2025-ci ildə Honq-Konqda yaşayış sahəsi üzrə rekord satış baş verib. The Peak-də yerləşən 1 000 kvadrat metrlik beş yataq otaqlı malikanə 1,09 milyard Honq Konq dolları (təxminən 140 milyon ABŞ dolları) qarşılığında alıcı tapıb. Əmlak bazarında qiymət artımını və satışları ABŞ-ın faiz dərəcələrində gözlənilən eniş və Honq Konqun maliyyə bazarının bərpası dəstəkləyir. Midland Realty şirkətinin məlumatına görə, lüks əmlak bazarı son aylarda sürətli artım nümayiş etdirir.