Finss.az xəbər verir ki, Vyetnam hökuməti şəhərsalma və nəqliyyat sahələrini əhatə edən 129 layihəyə təxminən 478 trilyon donq (18 milyard dollar) sərmayə qoyacaq.

Bundan əlavə, dəyəri 30,5 milyard dollar olan daha 121 layihə digər mənbələr, o cümlədən xarici şirkətlərin maliyyəsi hesabına həyata keçiriləcək.

Yeni layihələr arasında:

• Mekonq Deltası Körpüsü

• Saigon Marina Beynəlxalq Maliyyə Mərkəzi

• Dövlətə məxsus Viettel Qrupun Ar-Ge mərkəzi

• Hanoydakı Milli Konqres və Sərgi Mərkəzi

Vyetnam Baş naziri Pham Minh Tinh bildirib ki, ümumi investisiya ÜDM-in təxminən 13%-ini təşkil edir və bu layihələr ölkənin strateji infrastrukturunu köklü şəkildə dəyişdirəcək.

İyul ayında Baş nazir məmurları iqtisadiyyatın restrukturizasiyası və artımını stimullaşdırmaq məqsədilə həm uzunmüddətli, həm də dərhal həyata keçirilməsi nəzərdə tutulan tədbirlər hazırlamağa çağırıb. Vyetnam hökuməti bu il ÜDM-in 8,3–8,5% artımını planlaşdırır.

Ekspertlər bildirirlər ki, belə böyük sərmayə planları ölkənin qlobal iqtisadi mövqeyini gücləndirəcək və strateji infrastruktur layihələrinə xarici investisiyaları cəlb edə bilər.