Finss.az xəbər verir ki, Amerika startapı Lyten iflas etmiş İsveç elektrik avtomobil akkumulyatorları istehsalçısı Northvolt-un Avropadakı qalan aktivlərini satın alır.

Lyten-in press-relizinə görə, şirkət Northvolt Ett, Ett Expansion və Northvolt Labs (İsveç), Northvolt Drei (Almaniya), eləcə də Northvolt-un qalan bütün əqli mülkiyyətini alır.

Northvoltun hazırkı rəhbərliyinin bir neçə üzvü Lytenə qoşulmağı planlaşdırır.

Hesabatda qeyd olunur ki, müqavilənin maliyyə şərtləri tərəflər tərəfindən açıqlanmayıb. Analitiklərin fikrincə, aktivlərin dəyəri təxminən 5 milyard dollardır.

İki ay əvvəl Lyten Northvolt-un Polşa zavodunu, keçən il isə İsveç şirkətinin ABŞ-da yerləşən müəssisəsini alıb.

2015-ci ildə qurulan, investorları Volkswagen, Goldman Sachs və BlackRock-un daxil olduğu Northvolt, bir sıra idarəetmə səhvləri və əlverişsiz əməliyyat mühiti səbəbindən resurssuz qaldı. 2024-cü ilin noyabrında Northvolt ABŞ-da, bu ilin martında isə İsveçdə iflas proseduruna başlayıb.