Finss.az - ABŞ-n aparıcı biotexnoloji şirkəti Amgen 2025-ci ilin ikinci rübündə xalis mənfəətini demək olar ki, iki dəfə artırıb, gəliri isə 9,4% yüksəlib.

Aprel-iyun aylarında Amgen-in xalis mənfəəti bir il əvvəlki 746 milyon dollardan (səhm üçün 1,38 dollar) 1,432 milyard dollara (hər səhmə görə 2,65 dollar) çatıb. Birdəfəlik faktorlar nəzərə alınmayan göstərici isə səhm başına 4,97 dollardan 6,02 dollara yüksəlib.

Şirkətin gəliri 8,388 milyard dollardan 9,179 milyard dollara yüksəlib. Satış həcmi 13% artarkən, orta satış qiymətləri 3% azalıb.

Analitiklərin proqnozlarına görə, Amgen 8,94 milyard dollar gəlirlə səhm başına 5,29 dollar mənfəət əldə etməli idi. Şirkət tam 2025-ci il üçün gəlirin 35-36 milyard dollar, düzəliş edilmiş mənfəətin isə səhm başına 20,2-21,3 dollar olacağını planlaşdırır. Mütəxəssislər isə gəlirin 35,4 milyard dollar, mənfəətin isə səhm başına 20,91 dollar olacağını qiymətləndirirlər.

2025-ci ilin əvvəlindən Amgen-in kapitallaşması 15,1% artaraq 161 milyard dollara çatıb, Nasdaq Composite indeksi isə 8,3% yüksəlib.

Amgen xərçəng, böyrək xəstəlikləri, revmatoid artrit və digər ciddi xəstəliklərə qarşı innovativ dərmanların hazırlanması və istehsalı ilə məşğuldur. Şirkət 100-ə yaxın ölkədə fəaliyyət göstərir.