Finss.az xəbər verir ki, Almaniyanın idman malları istehsalçısı Adidas AG maliyyə hesabatlarına görə, 2025-ci ilin ikinci rübündə gəlirini 2024-cü ilin eyni dövründəki 5,822 milyard avro ilə müqayisədə 2,2% artıraraq 5,952 milyard avroya çatdırıb.

Valyuta məzənnələrindəki dəyişikliklər nəzərə alınmasa, 8% artıb.

The Wall Street Journal-ın hesablamalarına istinad edən analitiklər gəlirin 6,15 milyard avro səviyyəsində olacağını gözləyirdilər.

Hesabat rübündə Adidas-ın əməliyyat mənfəəti bir il əvvəlki 346 milyon avrodan 546 milyon avroya yüksəlib. Davam edən əməliyyatlardan xalis mənfəət 77,3% artaraq 375 milyon avroya çatıb.

Ümumi marja 0,9 faiz bəndi artaraq 51,7%-ə çatıb.

Ötən rübdə məzənnə fərqləri nəzərə alınmadan ayaqqabı satışı 3%, geyim satışları 17%, aksesuarlar 7% artıb.

Latın Amerikasında valyuta dəyişmələri nəzərə alınmadan satışlar 22%, inkişaf etməkdə olan bazarlarda 12%, Avropada 4%, Çində 2%, Yaponiya və Cənubi Koreyada 13%, Şimali Amerikada 8% artıb.

Adidas 2025-ci ildə 1,7-1,8 milyard avro diapazonunda əməliyyat mənfəəti əldə etməyi və valyuta dəyişmələri istisna olmaqla, gəliri 7-9% (yüksək birrəqəmli) artırmağı planlaşdırdığına dair proqnozunu təsdiqləyib.