Finss.az xəbər verir ki, Avropa İttifaqı Rusiyaya qarşı 18-ci sanksiyalar paketinin tərkib hissəsinə çevrilmiş yeni məhdudlaşdırıcı mexanizm çərçivəsində Rusiyanın Birbaşa İnvestisiya Fondu ilə əməliyyatları qadağan edilmiş dörd şirkətin adını açıqlayıb.

Cümə günü Aİ RDIF, onun sub-fondları və törəmə şirkətləri ilə hər hansı əməliyyatlara qadağa qoyulduğunu, habelə bu qadağanı RDIF-in sərmayə qoyduğu ayrı-ayrı şirkətlərə və RDIF-in özünə investisiya və maliyyə xidmətləri göstərən şəxslərə şamil etmək üçün alətin yaradılmasını elan etdi. Avropa Şurası bu tip sanksiyalara məruz qalan şirkətləri seçəcək.