Finss.az - Dövlət Gömrük Komitəsinin məlumatına görə, 2025-ci ilin yanvar-iyun aylarında Azərbaycandan 415,7 milyon ABŞ dolları dəyərində 402,3 min ton tərəvəz və meyvə ixrac edilib.

Bu göstəricilər ötən ilin müvafiq dövrü ilə müqayisədə ixrac dəyərində 24,3%, həcmdə isə 25% artımı ifadə edir.

2025-ci ilin ilk yarısında tərəvəz və meyvələrin ümumi ixracdakı xüsusi çəkisi 3,23%, qeyri-neft məhsullarının ixracındakı payı isə 23,7% təşkil edib. Bu rəqəmlər ölkənin qeyri-neft sektorunda ixrac potensialının gücləndiyini təsdiqləyir.

Ekspertlər hesab edir ki, bu artım Azərbaycan iqtisadiyyatının şaxələndirilməsi və kənd təsərrüfatı sektorunun inkişafı üçün müsbət siqnaldır. Həmçinin, ixracın artması ölkəyə valyuta daxilolmalarının artmasına və qeyri-neft sahəsinin dayanıqlı inkişafına töhfə verir.