Finss.az xəbər verir ki, Avstraliyanın Griffith Universiteti və Pekin Yaşıl Maliyyə və İnkişaf Mərkəzinin araşdırmasına görə, Çin şirkətləri 2025-ci ilin ilk altı ayında “Bir Kəmər və Yol Təşəbbüsü”ndə iştirak edən ölkələrlə rekord məbləğdə 124 milyard dollarlıq müqavilə imzalayıblar ki, bu da 2024-cü ilin ümumi məbləğini (122 milyard dollar) ötüb.

Yanvar-iyun aylarında ümumilikdə 176 yeni sövdələşmə imzalanıb.

Tədqiqatın müəllifi Christoph Nedopil Wang, "Bu il Çində iştirakın kəskin artması, hətta koronavirus pandemiyasının bitməsindən bəri fəaliyyətin davamlı artması fonunda təəccüblüdür" dedi. “Lakin 2025-ci il onunla fərqlənir ki, ilin birinci yarısında hər birinin dəyəri 10 milyard dollardan çox olan bir neçə meqa sövdələşmə imzalanıb”.

Çin Afrikada (39 milyard dollar) və Mərkəzi Asiyada (25 milyard dollar) ən böyük investisiya aktivliyi göstərib. Neft və qaz müqavilələri və sərmayələri ilin birinci yarısında rekord həddə - 44 milyard dollara çatdı ki, bunun da 20 milyard dolları Nigeriyada emal gücünə yönəldilib.