Finss.az xəbər verir ki, Uber Technologies 2026-cı ildə robotaxi xidmətini işə salmaq üçün elektrik avtomobil istehsalçısı Lucid Group Inc. və texnoloji startap Nuro ilə strateji tərəfdaşlığa daxil olub.

Uber, istehsalı təkmilləşdirmək və Nuro texnologiyasını Lucid Gravity elektrik avtomobillərinə inteqrasiya etmək üçün Lucid-ə 300 milyon dollar sərmayə verəcək, şirkətlərin bəyanatında deyilir.

Bu xəbərə görə, Lucid səhmləri Nyu-Yorkda ilkin ticarətdə 45% bahalaşıb. Daha əvvəl ticarət sessiyasında artım 62%-ə çatmışdı.

Nuro Driver avtonom idarəetmə sistemi ilə təchiz edilmiş Lucid Gravity yolsuzluq avtomobilləri ABŞ şəhərlərindən birində Uber taksi xidmətində istifadə olunacaq. Növbəti altı il ərzində şirkət belə avtomobil parkını 20 minə çatdırmaq niyyətindədir. Bu modelin prototipləri artıq Nevada ştatında sınaq meydançasında sınaqdan keçirilir.