Finss.az xəbər verir ki, Beynəlxalq ticarət sferasında artan gərginlik fonunda Avropa fond indeksləri cümə günü aşağı ticarəti başa vurub.

ABŞ prezidenti Donald Tramp bir gün əvvəl Vaşinqtonun xüsusi razılaşması olmayan əksər ticarət tərəfdaşlarına 15-20% ümumi idxal rüsumunu tətbiq etməyi planlaşdırdığını bildirib.

ABŞ prezidenti həmçinin eyham edib ki, Avropa İttifaqı yeni idxal rüsumunun dərəcəsi ilə bağlı bildirişi cümə günü ala bilər. Bundan əvvəl Aİ rəsmiləri Vaşinqtonla ticarət sazişinin yaxın günlərdə bağlana biləcəyini bildirmişdilər.

Bölgənin ən böyük şirkətlərinin Stoxx Europe 600 indeksi bazar bağlanışında 1,1% azalaraq 546,75 bənd olub.

Britaniya FTSE 100 0,38%, Almaniya DAX 0,89%, Fransa CAC 40 0,92%, İtaliya FTSE MIB 1,11%, İspaniya IBEX 35 isə 0,94% ucuzlaşıb.