Finss.az xəbər verir ki, Cümə günü İsrailin İrana zərbələr endirməsi xəbəri ilə neftin qiyməti gün ərzində aktiv şəkildə yüksəlir.

Londonun ICE Futures birjasında Brent markalı neftin avqust fyuçerslərinin dəyəri Moskva vaxtı ilə saat 14:27-yə olan məlumata görə, 5,33 dollar (7,68%) artaraq 74,69 dollar/barelə çatıb.

Nyu-York əmtəə birjasının elektron hərraclarında iyul ayı üçün WTI markalı xam neftin fyuçersləri bu vaxta qədər 5,53 dollar (8,13%) bahalaşaraq 73,57 dollar/barelə çatıb.

Cümə günü gecə İsrail İranın bir sıra nüvə obyektlərinə zərbələr endirib. Bildirilir ki, İsrail İslam İnqilabı Keşikçiləri Korpusunun (SEPAH) bir çox yüksək rütbəli komandirlərini, eləcə də bir qrup aparıcı nüvə fiziklərini sıradan çıxara bilib. İsrailin baş naziri Benyamin Netanyahu İrandan gələn təhlükəni aradan qaldırmaq üçün “əməliyyatın lazım olduğu qədər gün davam edəcəyini” deyib.