Finss.az xəbər verir ki, Akbank-dan verilən açıqlamaya görə, Avropa Yenidənqurma və İnkişaf Bankına (EBRD) 5 il müddətinə cəmi 3,9 milyard türk lirəsi olan ipoteka ilə təminatlı qiymətli kağızlar (ITMK) buraxıb.

Buraxılışla təmin edilən resurslar Türkiyənin Yaşıl İqtisadiyyatın Maliyyələşdirilməsi Proqramı II (Türkiyə GEFF II) çərçivəsində uyğun layihələr üçün istifadə olunacaq.

Bu əməliyyat 2019-cu ildən bəri ilk ITMK emissiyasıdır. Beləliklə, Akbank və AYİB Türkiyədə ITMK bazarını yenidən açır. 2015-ci ildə Türkiyədə ilk ITMK emissiyasını həyata keçirən Akbank üçün bu xarakterli beşinci əməliyyat olan emissiya, bankın AYİB-ə etdiyi ilk emissiya kimi də diqqət çəkir. Türkiyə Yaşıl İqtisadiyyatın Maliyyələşdirilməsi Proqramı II (Türkiyə GEFF II) çərçivəsində alınan bu fondun məqsədi müvafiq meyarlarla dövlət, özəl müəssisələrin, istehsalçıların və xidmət təminatçılarının yaşıl investisiyalarına maliyyə dəstəyi verməkdir.