Finss.az xəbər verir ki, Londonda baş tutacaq ABŞ-Çin danışıqları ilə bağlı optimizm fonunda neft qiymətləri artımını sürətləndirib.

Moskva vaxtı ilə saat 18:05-də Londonun ICE Futures birjasında Avqust Brent markalı neftin fyuçersləri 0,74 dollar (1,12%) bahalaşaraq 67,79 dollar/barelə çatıb. Bu vaxta qədər WTI markalı neftin iyul fyuçersləri NYMEX birjasında 0,76 dollar (1,16%) bahalaşaraq 66,05 dollar/barelə çatıb.

ABŞ-ın ticarət naziri Hovard Lutnik Vaşinqton və Pekin arasında ticarət danışıqlarını müsbət qiymətləndirib.

"Müzakirələr dünən bütün gün davam etdi və mən onların bu gün də bütün gün davam edəcəyini gözləyirəm. Onlar yaxşı gedir və biz birlikdə çox vaxt keçiririk" dedi.

Bir gün əvvəl ABŞ prezidenti Donald Tramp da danışıqların gedişi ilə bağlı müsbət fikirlər səsləndirib.

Bazar iştirakçıları ümid edirlər ki, hər iki tərəf qlobal iqtisadi artım və yanacağa tələbat perspektivlərini yaxşılaşdıracaq ticarət sazişi bağlaya biləcək.