Cari ilin yanvar-aprel aylarında "AzerGold"un ixrac gəlirləri 68,4 milyon ABŞ dolları təşkil edib.

Finss.az bu barədə İqtisadi İslahatların Təhlili və Kommunikasiya Mərkəzinin təqdim etdiyi “İxrac icmalı”nın may sayına əsasən xəbər verir ki, bu göstərici ötən ilin eyni dövrü ilə müqayisədə 45,5 milyon ABŞ dolları və ya 3 dəfə çoxdur.

Belə ki, 2024-cü il yanvar-aprel aylarında "AzerGold"un ixrac gəlirləri 22,9 milyon ABŞ dolları idi.

Qeyd edək ki, hesabat dövründə qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlərin siyahısına ARDNŞ-nin Marketinq və İqtisadi Əməliyyatlar İdarəsi başçılıq edir. Daha sonra bu siyahıda aşağıdakı şirkətlər təmsil olunublar:

“SOCAR Polymer” MMC, “AzerGold” QSC ,“Azəralüminium” MMC, Azərbaycan Respublikası Dövlət Neft Şirkətinin Qaz İxrac İdarəsi, "Azərpambıq Aqrar Sənaye Kompleksi" MMC,"Azərbaycan Hava Yolları" QSC,“Azərenerji” ATSC,Naxçıvan MR Dövlət Energetika Xidməti,“Qaradağ Şüşə Zavodu” ASC.

Fuad Mədətov
Finss.az