Finss.az xəbər verir ki, çərşənbə axşamı günü qeyri-sabit ticarətdə neft qiymətləri sessiyanın minimum səviyyəsindən geri çəkilərək bir qədər ucuzlaşıb.

Beynəlxalq ticarətdə münasibətlərin normallaşmasına ümidlər və OPEC+ ölkələri tərəfindən neft hasilatının davamlı surətdə artırılması ilə bağlı narahatlıqlar bazar iştirakçılarının əhval-ruhiyyəsinə çoxistiqamətli təsir göstərir ki, bu da kotirovkaların dinamikasında özünü göstərir.

Moskva vaxtı ilə saat 14:08-də Londonun ICE Futures birjasında Brent markalı iyul fyuçersləri 0,06 dollar (0,09%) ucuzlaşaraq 64,68 dollar/barelə bərabər olub. Bu vaxta qədər WTI markalı neftin iyul fyuçersləri NYMEX birjasında cümə gününün bağlanış səviyyəsindən 0,1 dollar (0,16%) ucuzlaşaraq bir barelə görə 61,42 dollara düşüb. Bazar ertəsi WTI-nin əsas ticarəti bayramla əlaqədar keçirilməyib.