Finss.az - Beynəlxalq Enerji Agentliyi (BEA) 2025-ci ilin sonuna qədər dünya üzrə neft tələbatının artımının gündəlik 650 min barel səviyyəsinə düşəcəyini açıqlayıb.

Bu azalma əsasən iqtisadi problemlər və elektromobillərin rekord səviyyədə satışı ilə əlaqələndirilir.

Agentliyin Parisdəki mərkəzindən verilən məlumata görə, bu proqnoz cari ilin birinci rübündə qeydə alınan gündəlik 990 min barellik tələbat artımına nisbətən xeyli zəifləmə deməkdir. BEA ticarətdə artan qeyri-müəyyənliyin qlobal iqtisadiyyata və neft tələbatına mənfi təsir göstərə biləcəyini vurğulayıb.

2025-ci il üçün orta tələbat artımı proqnozu gündəlik 740 min barelə yüksəldilib və bu göstərici əvvəlki hesabatdan 20 min barel yüksəkdir. 2026-cı ildə isə qlobal neft təklifinin gündəlik 760 min barel artacağı gözlənilir.

Agentlik proqnozun artmasını iqtisadiyyatın daha sürətli inkişafı və neftin aşağı qiymətlərinin istehlakı stimullaşdırması ilə izah edir. Eyni zamanda, inkişaf etməkdə olan ölkələrdən, xüsusilə Hindistandan gələn zəif idxalın bu artımı kompensasiya edəcəyi qeyd olunur.