Qızıl fyuçersləri, təhlükəsiz liman aktivlərinə tələbin zəifləməsi səbəbindən əvvəlki gün kəskin enişdən sonra çərşənbə axşamı yüksəldi.

Finss.az xəbər verir ki, Bakı vaxtı ilə saat 14:27-də Comex birjasında iyun ayı qızıl fyuçersləri 1% bahalaşaraq 1 troya unsiyası üçün 3261 dollar olub.

Qızıl dünən ABŞ-ın əksər Çin mallarına rüsumları 30%-ə, Pekinin isə Amerika mallarına rüsumları 10%-ə endirəcəyi xəbəri ilə təxminən 3% ucuzlaşıb. Ağ Evdən bildiriblər ki, dəyişikliklər mayın 14-də qüvvəyə minəcək və 90 gün davam edəcək.

Bundan əlavə, bazar iştirakçıları çərşənbə axşamı Moskva vaxtı ilə saat 15:30-da dərc olunacaq aprel ayı üzrə ABŞ inflyasiyasına dair məlumatları gözləyirlər. “Trading Economics”in sorğusuna qatılan analitiklər, ötən ay ABŞ-da istehlak qiymətlərinin artım tempinin mart ayından etibarən dəyişməyərək 2,4% olduğunu proqnozlaşdırıblar.