Ticarət Departamentinin ilkin məlumatlarına görə, ABŞ iqtisadiyyatı 2025-ci ilin birinci rübündə illik 0,3% azalıb.

Finss.az xəbər verir ki, analitiklər orta hesabla 0,3% artım proqnozlaşdırırdılar. MarketWatch respondentləri 0,4% artım gözləyirdilər.

Bu, üç ildə (2022-ci ilin yanvarından mart ayına kimi) göstəricinin ilk azalmasıdır.

Müqayisə üçün qeyd edək ki, 2024-cü ilin dördüncü rübündə ÜDM 2,4% artıb.

ABŞ iqtisadiyyatının üçdə ikisini təşkil edən istehlak xərcləri yanvar-mart aylarında 1,8% artıb (oktyabr-dekabrda 4% artımdan sonra).

Hökumət xərcləri 5,1% azalıb (dördüncü rübdə 2,5% artıb), bu, son üç ilin ən böyük azalmasıdır.