Alman lüks avtomobil istehsalçısı Porsche AG birinci rübdə əməliyyat mənfəətinin 1,68 dəfə azaldığını görüb və 2025-ci il üçün proqnozunu pisləşdirib.

Finss.az xəbər verir ki, şirkətin press-relizinə əsasən, onun yanvar-mart aylarında əməliyyat mənfəəti bir il əvvəlki 1,282 milyarddan 762 milyon avroya, gəlirlilik isə 14,2%-dən 8,6%-ə düşüb.

Son rübdə gəlir 1,7% azalaraq, keçən ilin eyni dövründəki 9,011 milyard avro ilə müqayisədə 8,858 milyard avro təşkil edib.

Birinci rübdə avtomobil tədarükü 7,9% azalaraq 71,470 minə düşüb.

İqtisadi və geosiyasi şəraitin pisləşməsi ilə əlaqədar şirkət 2025-ci il üzrə proqnozunu aşağı salıb. İndi onun gəlirliliyinin əvvəllər proqnozlaşdırılan 10-12% deyil, 6,5-8,5% olacağı gözlənilir. İllik gəlir əvvəlki 39-40 milyard avro proqnozla müqayisədə indi 37-38 milyard avro qiymətləndirilir.

Porsche imtiyazlı səhmləri çərşənbə axşamı günü 5,2% ucuzlaşıb. İlin əvvəlindən onlar 23,8% ucuzlaşıb, DAX fond indeksi isə 12,4% dəyər qazanıb.