Neftin qiymətləri cümə axşamı yaşıl ticarəti bağladı və ardıcıl iki həftəlik enişdən sonra həftə ərzində yüksəldi.

Finss.az xəbər verir ki, cümə günü Brent və WTI markalı xam neft üçün fyuçers ticarəti olmayacaq, çünki birjalar Yaxşı Cümə günü bağlanır.

Londonun ICE Futures birjasında Brent markalı neftin iyun fyuçerslərinin qiyməti cümə axşamı bazarın bağlanışında 2,11 dollar (3,2%) artaraq 67,96 dollar/barelə çatıb.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI markalı neftin may fyuçersləri 2,21 dollar (3,54%) bahalaşaraq 64,68 dollar/barelə çatıb.

Neft bazarı ABŞ və Aİ arasında ticarət sazişi, eləcə də ABŞ-ın İrana qarşı yeni sanksiyaları ilə bağlı ümidlərlə dəstəklənib.

Cari həftənin sonunda hər iki markanın qiyməti təxminən 5% artıb.