2025-ci ilin yanvar-mart aylarında Azərbaycanda ümumi daxili məhsul (ÜDM) 29 milyard 892,9 milyon manat təşkil edib ki, bu da əvvəlki ilin eyni dövrü ilə müqayisədə 0,3 faiz artım deməkdir.

Finss.az Dövlət Statistika Komitəsinin məlumatına əsasən xəbər verir ki, bu dövr ərzində iqtisadiyyatın müxtəlif sahələrindəki inkişaf fərqləri diqqət çəkib.

Neft-qaz sektorunda əlavə dəyər 3,8 faiz azalıb, qeyri-neft-qaz sektorunda isə 2,5 faiz artım müşahidə olunub. ÜDM istehsalının ən böyük hissəsi sənaye (37%), ticarət və nəqliyyat vasitələrinin təmiri (10,3%) sahələrinə düşüb. Bununla yanaşı, tikinti sektoru 5,8 faiz, kənd təsərrüfatı, meşə təsərrüfatı və balıqçılıq 3,1 faiz, nəqliyyat və anbar təsərrüfatı isə 6,8 faizlik paya malik olub.

Əhalinin hər nəfərinə düşən ÜDM isə 2922,2 manat təşkil edib. Bu göstərici, ümumi iqtisadiyyatın artımının əhalinin həyat səviyyəsinə təsirini əks etdirir.

Fuad Mədətov
Finss.az