Bazar ertəsi qızıl qiymətləri mülayim şəkildə azaldı, lakin psixoloji əhəmiyyətli bir unsiya üçün 3000 dollardan yuxarı qaldı.

Finss.az xəbər verir ki, Comex birjasında iyun ayı qızıl fyuçersləri 0,2% ucuzlaşaraq 1 unsiya üçün 3029,2 dollar olub. İlin əvvəlindən qiymətli metal təxminən 12,6% bahalaşıb.

Bazar ertəsi Amerika fond indeksi SP 500 1,9%, Avropanın Stoxx Europe 600 kompozit indeksi isə 4,3% ucuzlaşıb. Qlobal bazarların çöküşünə ABŞ prezidenti Donald Trampın ölkənin xarici ticarət tərəfdaşlarına yeni iri tariflər tətbiq etməsi səbəb olub. Bu, qlobal iqtisadi tənəzzül qorxusunu və qızıl da daxil olmaqla təhlükəsiz aktivlərə tələbi artırıb.