Bu ilin yanvar-fevral aylarında Azərbaycanda 1,5 milyon kvadrat metr tikinti şüşəsi istehsal edilib.

Bu barədə Finss.az Dövlət Statistika Komitəsinə istinadən xəbər verir ki, 2024-cü ilin eyni dövrünün göstəricisi ilə müqayisədə tikinti şüşəsinin istehsal həcmi 13% və ya 228,2 min kvadrat metr azalıb.

Cari ilin martın 1-nə hazır məhsul ehtiyatı 1,2 milyon kvadrat metr təşkil edib.

Qeyd edək ki, bu ilin yanvar-fevral aylarında Azərbaycanda 187,6 milyon manatlıq tikinti materialları istehsal edilib. Bu göstərici 2024-cü ilin eyni dövrü ilə müqayisədə 13,7 milyon manat və ya 7,9% çoxdur. Belə ki, ötən ilin ilk iki ayında Azərbaycanda 173,9 milyon manatlıq tikinti materialları istehsal olunub.

Fuad Mədətov
Finss.az