Cari ilin yanvar-fevral aylarında Azərbaycanda 33,1 min ton mazut istehsal olunub.

Bu barədə Finss.az Dövlət Statistika Komitəsinə istinadən xəbər verir.

Məlumata görə, ötən ilin eyni dövründə Azərbaycanda mazut istehsal edilməyib. Ötən il ərzində isə istehsal olunan mazutun miqdarı 27,4 min ton olub.

Bu il mazut istehsalı ötən illə müqayisədə 5,7 min ton, 20,8% artıb.

Qeyd edək ki, bəhs olunan dövrdə neft məhsullarının istehsalı sahəsində istehsalın ümumi dəyəri 1,03 milyard manat olmaqla, əvvəlki ilin müvafiq dövrü ilə müqayisədə 15,6% artıb.

Neft məhsullarından qazoylların (dizel yanacağının) istehsalı 19%, ağ neft istehsalı 18,3%, avtomobil benzini istehsalı 3,3% artıb, neft koksunun istehsalı 6,4%, neft bitumu istehsalı 8,1%, sürtkü yağları istehsalı isə 31,9% azalıb.

Fuad Mədətov
Finss.az