Bu ilin yanvar-fevral aylarında “Azərişıq” ASC üzrə külək elektrik stansiyalarında 4,1 milyon kilovat-saat (kVt·st) elektrik enerjisi istehsal edilib.

Finss.az xəbər verir ki, bu barədə Energetika Nazirliyi məlumat yayıb.

Məlumata görə, bu göstərici ötən ilin eyni dövrü ilə müqayisədə 1,9 milyon kVt·st və ya 31,7% azdır. Belə ki, ötən ilin eyni dövründə “Azərişıq” ASC üzrə külək elektrik stansiyalarında 6 milyon kilovat-saat (kVt·st) elektrik enerjisi istehsal olunub.

Qeyd edək ki, bu ilin yanvar-fevral ayları ərzində respublikada elektrik enerjisinin istehsalı 4,86 milyard kVt·st olub. Elektrik enerjisinin istehsalı “Azərenerji” ASC üzrə 4,35 milyard kVt·st (İES-lərdə 3,95 milyard kVt·st, SES-lərdə 397,9 milyon kVt·st), Naxçıvan MR Dövlət Energetika Xidməti üzrə 61,3 milyon kVt·st (İES-lərdə 41,4 milyon kVt·st, SES-lərdə 12,3 milyon kVt·st, GES-də 7,6 milyon kVt·st), “Azərişıq” ASC üzrə külək elektrik stansiyalarında 4,1 milyon kVt·st, müstəqil elektrik stansiyaları üzrə isə 445,8 milyon kVt·st təşkil edib.