Finss.az - Böyük Britaniya-Niderland neft-qaz nəhəngi Shell, 2030-cu ilə qədər Upstream və Integrated Gas seqmentlərində hasilatını illik 1% artırmağı planlaşdırır.

Şirkətin açıqlamasına görə, maye karbohidrogenlərin hasilatı 1,4 milyon barrel/gün səviyyəsində saxlanılacaq, karbon emissiyaları isə azaldılacaq.

Shell mayeləşdirilmiş təbii qaz (LNG) satışlarını illik 4-5% artırmaq niyyətindədir. Eyni zamanda, səhmdarlara ödəniş əmsalı 40-50%-ə yüksəldiləcək və dividendlər hər il 4% artırılacaq.

Bundan əlavə, şirkət 2028-ci ilin sonuna qədər xərclərini 5-7 milyard dollar azaltmağı hədəfləyir. Bu göstərici əvvəllər 2025-ci ilin sonuna qədər 2-3 milyard dollar kimi planlaşdırılmışdı.

2025-2028-ci illərdə kapital xərcləri 20-22 milyard dollar səviyyəsinə endiriləcək, bir səhmə düşən azad pul axını isə hər il 10%-dən çox artırılacaq.

Londonda keçirilən ticarət sessiyalarında Shell-in səhmləri 2% bahalaşıb