İraq Kürdüstanı Şimali İraqdakı ən böyük Bai Hassan və Awana yataqlarında hasilatın müvəqqəti bağlanması səbəbindən gündəlik neft hasilatını 350 min barel azaldıb. İraq hökuməti ilə artan gərginlikdən sonra təhlükəsizliklə əlaqədar olaraq istehsal dayandırılıb.

Finss.az xəbər verir ki, İraqın bölgədə hərbi varlığının artması səbəbindən yataqlara xidmət edən işçilər neft yataqlarını tərk etmək məcburiyyətində qalıblar.

İraq təhlükəsizlik qüvvələrinin niyyətləri aydınlaşdıqdan sonra heyətin işə qayıtması planlaşdırılır.
Eyni zamanda, İraqın mərkəzi hökumətinin nəzarətində olan North Oil Co-nun Kərkük yatağında neft hasilatı həmişəki kimi davam edir. Kərkükün gündəlik hasilat göstəricisi gündə 90 min bareldir. İraq rəsmilərinin açıqlamalarına görə, işi dayandırmaq planı yoxdur.