Finss.az - ABŞı-n Microsoft şirkəti, Çinli ByteDance-ə aid olan məşhur sosial şəbəkə TikTok-u almaq niyyətindədir.

ABŞ Prezidenti Donald Tramp, jurnalistlərə açıqlamasında Microsoft-un bu müqaviləyə maraq göstərdiyini bildirib. Tramp, Microsoft-un TikTok-un ABŞ-da fəaliyyətini davam etdirməsi üçün mülkiyyət strukturu dəyişikliklərində iştirak etməyə hazır olduğunu vurğulayıb.

Trampın sözlərinə görə, TikTok-u almağa maraqlı olan başqa şirkətlər də var, lakin onların adlarını açıqlamayıb. Prezident, təkliflər arasında rəqabətin daha yaxşı müqavilələrin bağlanmasına şərait yaratdığını qeyd edib.

Microsoft-un rəsmi nümayəndələri bu məsələyə dair şərh verməkdən imtina edib, TikTok-un nümayəndələri isə AP-nin sorğusuna dərhal cavab verməyib.

Geçən həftə, Prezident Tramp TikTok-un mülkiyyət strukturunun dəyişdirilməsi üçün verilən müddəti 75 gün uzadaraq, 19 yanvardan 4 aprelə qədər müəyyən edib. Tramp, ABŞ-ın şirkətin 50%-nə sahib olmasını istəyir, amma bu, dövlət orqanlarının və ya digər amerikalı strukturların nəzarətini nəzərdə alıb-almadığı hələ də qeyri-müəyyəndir.

Yeni xəbərlərə görə, Perplexity AI adlı bir amerikalı startap, ByteDance-ə TikTok-un ABŞ əməliyyatlarının sahibliyini əldə etmək üçün yeni təklif göndərib. Bu təklifdə, ABŞ hökumətinin yeni şirkətin 50%-nə qədər sahiblənməsi nəzərdə tutulur.

Bundan əlavə, milyarder Frenk Makkort və ABŞ-ın keçmiş maliyyə naziri Stiven Mnuçin də TikTok-un ABŞ platformasını almağa maraq göstərən investorlar arasında yer alıblar.