Finss.az - Azərbaycan və Pakistan arasında ticarət dövriyyəsinin illik dəyərini qarşıdakı illərdə azı 1 milyard ABŞ dollarına çatdırmaq üçün birgə səylərin artırılması vacibdir. Bu barədə Lahor Ticarət və Sənaye Palatasının (LCCI) prezidenti Mian Abuzar Şad məlumat verib.

Şad bildirib ki, Azərbaycanın coğrafi mövqeyi və enerji resursları ölkəni regional ticarət və nəqliyyat şəbəkələrinin əsas oyunçusuna çevirir. Buna baxmayaraq, iki ölkə arasındakı ticarət dövriyyəsinin potensialı tam reallaşdırılmayıb. 2023-2024-cü illərdə Azərbaycanın Pakistana ixracı 6 milyon ABŞ dolları təşkil edib, idxal isə çox az miqdarda olub.

LCCI prezidenti ticarət əlaqələrinin genişləndirilməsi üçün nümayəndə heyətlərinin və sərgilərin təşkilinin vacibliyini vurğulayıb.