Finss.az - Shell, Meksika körfəzində yerləşən Whale üzən obyektində hasilata başladığını açıqlayıb.

Bloomberg-in verdiyi məlumata görə, bu layihənin gündə 100,000 barel neft ekvivalenti istehsal etməsi gözlənilir. Whale yatağında təxminən 480 milyon barel çıxarıla bilən neft ekvivalenti ehtiyatının olduğu qiymətləndirilir. Yataq, Shell-in digər layihələri ilə yanaşı, 2023-cü ildə fəaliyyətə başlayan Vito platformasının yaxınlığında yerləşir. Shell bu layihənin 60%-nin, Chevron Corp isə 40%-nin sahibidir.

Shell, Whale yatağında istixana qazlarının emissiyalarının Vito ilə müqayisədə təxminən 30% daha az olacağını bildirir. Bu, daha effektiv turbinlər və sıxılma sistemlərinin istifadəsi sayəsində mümkün olacaq.

Pandemiya dövründə Perm hövzəsindəki fəaliyyətini ConocoPhillips şirkətinə satan Shell, hazırda ABŞ-da yalnız Meksika körfəzində hasilat aparır.

Shell-in inteqrasiya olunmuş qaz hasilatı və kəşfiyyat üzrə direktoru Zoi Yüynoviç, Whale layihəsinin, daha az emissiya ilə daha çox həcmi əldə etməyə yönəlmiş yanaşmalarını nümayiş etdirdiyini vurğulayıb və əlavə edib ki, bu, insanların bu gün ehtiyacı olan enerjini təmin etmək üçün mühüm addımdır.