Finss.az - 2024-cü ildə Azərbaycandan hava nəqliyyatı ilə 42 ölkəyə 3 milyon 369,4 min nəfər səfər edib, bu da 2023-cü illə müqayisədə 7 ölkə (20%) və 769,3 min sərnişin (29,5%) çoxdur.

Ötən il ən çox sərnişin 913,5 min nəfərlə Rusiyaya səfər edib ki, bu, əvvəlki ilə nisbətən 24,3% artıb. Digər populyar istiqamətlər arasında Türkiyə (874,4 min nəfər, +17,2%), Birləşmiş Ərəb Əmirlikləri (420,1 min nəfər, +36,4%), Gürcüstan (198,5 min nəfər, +31,4%) və Səudiyyə Ərəbistanı (116,1 min nəfər, +8,7%) yer alır.

2024-cü ildə Hindistan və Qətər də ilk onluğa daxil olaraq, Küveyt və İsraili sıralardan çıxarıb.

Dekabr ayında isə 262,112 sərnişin daşınıb, bu da əvvəlki ilin eyni ayı ilə müqayisədə 19,9% artım təşkil edir. Sərnişinlərdən 64,295 nəfəri Rusiyaya səfər edib, bu da 11,1% artmışdır.