7 iyun 2024-cü il tarixində Bakı Fond Birjası və Azərbaycan Fond Bazarı İştirakçılarının Assosiasiyasının (AFBİA) birgə təşkil etdiyi “Kapital Bazarının İnfrastrukturu” mövzusunda seminar keçirilmişdir. Seminarda AFBİA-nın üzv şirkətlərinin rəhbərləri iştirak etmişdir.

Fins.az xəbər verir ki, seminar, Rusiya fond bazarının banilərindən biri, Maliyyə Bazarı Şurasının sədri, “Investment Partners” şirkətinin sahibi, “NP RTS” Assosiasiyasının Direktorlar Şurasının sədri, “Alor” Şirkətlər Qrupunun təsisçisi Qavrilenko Anatoliy Qriqoryeviç və onun rəhbərlik etdiyi heyət tərəfindən keçirilmişdir.

Seminar zamanı Rusiya kapital bazarının keçdiyi inkişaf yolu, bazar işitrakçılarının inamının artırılması üçün həyata keçirilməsi mümkün olan strateji dəyişikliklər, bu sahə üzrə beynəlxalq təcrübə, eləcə də yerli kapital bazarının cari vəziyyəti, İPO (ilkin kütləvi təklif) imkanları, maliyyə savadlılığının artırılması haqqında müzakirələr aparılmışdır.

Seminarin sonunda Azərbaycan Fond Bazarı İştirakçılarının Assosiasiyası və Rusiyanın Fond Bazarı İştirakçılarının Milli Assosiasiyası arasında qarşılıqlı anlaşma haqqında memorandum imzalanmışdır.