Çinin ümumi daxili məhsulu 2023-cü ildə 5,2% artaraq 17,71 trilyon dollara çatıb.

Fins.az Kazinform-a istinadən xəbər verir ki, bu barədə çərşənbə günü Çinin Dövlət Statistika İdarəsi məlumat yayıb.

Dövlət Statistika Xidmətinin məlumatına görə, 2023-cü ildə Çinin ÜDM-i 126,06 trilyon yuana (təxminən 17,71 trilyon dollar) çatıb.

Çin Dövlət Statistika İdarəsinin direktoru Kanq Yi brifinq zamanı bildirib ki, xarici təzyiqlərə və daxili çətinliklərə baxmayaraq, Çin 2023-cü il üçün qarşıya qoyulan məqsədlərə nail olub və iqtisadiyyatda canlanma və yaxşılaşma qeydə alınıb.

2023-cü ildə Çinin sənaye əlavə dəyəri illik müqayisədə 4,6% artıb. Əsas kapitala investisiyaların artımı 3%, pərakəndə ticarət isə illik müqayisədə 7,2% artıb. Eyni zamanda, 2023-cü ildə istehlak mallarının pərakəndə ticarətinin ümumi həcmi 47,15 trilyon yuana (təxminən 6,63 trilyon dollar) çatıb.

Ötən il orta işsizlik səviyyəsi 5,2% təşkil edib. 2023-cü ildə kənd yerlərində çalışan əməkçi miqrantların ümumi sayı 1,91 milyon nəfər artaraq 297,53 milyon nəfərə çatıb. Onların orta aylıq gəliri 3,6% artaraq 4780 yuana (təxminən 672 dollar) çatıb.

Fuad Mədətov
Fins.az