Sabancı Holdinq öz korporativ vençur kapitalı fondu Sabancı Ventures vasitəsilə ABŞ-da yerləşən Fernhay Solutions şirkətinə sərmayə qoyub. Bu sərmayə ilə Sabancı Ventures-in birbaşa investisiya etdiyi şirkətlərin sayı 11-ə, xaricdə yerləşən portfel şirkətlərinin sayı isə 6-ya çatıb.

Fins.az xəbər verir ki, Sabancı Qrup şirkətlərindən biri olan Temsa-nın istehsal tərəfdaşı olduğu Fernhay Solutions, mikromobillik və "son mil çatdırılması" həllərinin inkişaf etdiricisi kimi fəaliyyət göstərir.

Şirkətin elektrik yük maşınları şəhər mərkəzlərinin tıxacları, emissiya problemləri və təhlükəsizlik problemlərinin həlli yollarını təklif edir. Fernhay-ın UPS ilə birlikdə hazırladığı e-Cargo velosipedi və eWalker üç qitədə, doqquz ölkədə və 20 şəhərdə istifadə olunur.

Sabancı Holdinq Strategiya və Biznesin İnkişafı Qrupunun prezidenti Gökhan Eyigün sənaye iş xəttinin transformasiyasında qabaqcıl materiallar və mobilliyin əsas diqqət mərkəzində olduğunu bildirdi. 

Günel Məlikzadə
Fins.az