“SAT Group” şirkətinin direktoru Azad Qəhramanovun Fins.az-a müsahibəsi
- “SAT Group” şirkətinin inkişaf perspektivi, xüsusiyyətləri və xidmətləri nədir?
- Bizim şirkət təlim və konsaltinq xidmətləri göstərir. İki əsas fəasliyyətimiz var: biri əsas şirkətlərdə çalışan şəxslər üçün təlimlər keçirik, ikincisi isə kansaltinq xidmətləridir. Satış, marketinqin qurulması, şirkətlərin strategiyasının hazırlanması kimi xidmətlərimiz də var. Əvvəlcə biz şirkətləri diaqnostika edirik. Başlanğıcda iş mühitini, şirkətdəki məlumatları təhlil edirik. Daha sonra şirkətin olduğu bazarı araşdırırıq. Ardınca çalışırıq ki, hədəflər müəyyənləşdirilsin. Bir sözlə, bazar mövqeyi necə olmalıdırsa, bunlar hazırlanır. Bu işlərin nəticəsində onlar şirkətləşirlər. “SAT Group” olaraq il ərzində 3 dəfə biznes forumlar təşkil edirik. Bundan başqa, Azərbaycanda xarici təlimçilərin də təlimlərini təşkil edirik. Dövlət Məşğulluq Agentliyi ilə də əməkdaşlığımız var. Hansı ki, satış mütəxəssislərinin hazırlığını həyata keçiririk.
- Koorporativ müştərilərin əsas tələbatı nədir?
- Əsas təlabat kadr problemidir. Bəzi şirkətlərdə aydın strategiyanın olmaması bu problemə gətirib çıxarır. Onlar bilmir ki, onlara necə bir kadr lazımdır.
- Ümumiyyətlə, sahibkarların əsasən üzləşdiyi problemlər nədir və bu problemlərin yaranamasına səbəb nədir?
- Biz 3 istiqamətə fokuslanmışıq. Daim öz təlim məhsullarımızın keyfiyyətini artırırıq. Mənə elə gəlir ki, Azərbaycanda ən yaxşı və ən çox satış təlimi verən bizik. Mindən çox müştərimiz var. 15 mindən çox üzvümüz olub.
- Daxili komanda ilə vasitəçi şirkətlərlə, yoxsa konsultantlarla işləmək daha uğurludur?
- Biz fərqli şirkətlərdə çalışan, yüksək səviyyədə olan mütəxəssislərlə çalışırıq. Onlar başqa şirkətlərdə işləyirlər və axşam işdən sonra bizdə təlim verirlər.
- Ölkəmizdə fəaliyyət gösətərən şirkətlər və yaxud fərd olaraq sahibkarlar əsasən hansı növ marketinqdən istifadə edirlər?
- Bu gün populyar olan dijital marketinqdir. Bəzən də olur ki, şirkətlər heç bir faydası olmasa da dijilat marketindən istifadə edirlər. Lakin hər bir biznes özünə uyğun marketinq kanallarını seçməlidir.
- Bazar yaratmaq, yoxsa bazarlıq etmək məqbul hesab olunur?
- Bu, mavi və qırmızı okean strategiyasından asılıdır. İstənilən yerdə bazarı tapmaq və orada daha məhsuldar olmaq mümkündür. Şirkətlər addım atmazdan əvvəl araşdırma etməlidirlər. Bu olduğu halda daha yaxşı biləcəklər ki, hansı marketinq kanalından istifadə etmək ona uyğundur.
- Kiçik şirkətlərin sayının çoxluğunu nəzərə alsaq, həmin zaman nəhəng şirkətlərə qarşı partizan marketinqi “müharibəsi” başlanılır. Bəs bunun həll istiqamətini nədə görürsünüz?
- Kiçik şirkətlərin strategiyası hazırlananda bazardakı rəqiblərə baxılmalıdır. Partizan marketinq azbüdcəli marketinqdir. Yeni başlayan şirkətlər üçün çox uyğundur. Amma yeni başlayan şirkətlər müştərilərlə iş sistemini qurmalıdırlar. Çünki müştərini əldə saxlamaq çox vacibdir.
- Hazırda dünyada baş verən proseslər və bu proseslərin bütün ölkələrin xüsusiylə iqtisadi və sosial durumuna təsirinin şahidi oluruq. Belə bir vəziyyətdə nəhəng şirkətlər vəhşi kapitalist manevrlərindən istifadə edərək, öz kontra marketinq düşüncələrini həyata keçirməyə çalışırlar. Ümumiyyətlə, bu cür addım rəqabət, tamah, yoxsa prinsipial mövqedir?
- Tam təbiidir ki, indiki şirkətlər bazar rəqabətlərini qorumağa çalışırlar. Bundan təbii nə ola bilər ki? Maraqlı olmaq üçün normal rəqabət olmalıdır. Böyük şirkətlər üçün bir məhsulu dəyişmək çox vaxt tələb edir. Bir sözlə, mövqe tutmaq lazımdır. Böyük şirkətlərlə (böyük şirkət kimi) mübarizə apara bilmərik. Bazardakı boşluğu tapıb, ondan istifadə etmək lazımdır. Nə zaman böyüyüb iri şirkət olarsan, həmin zaman da böyük şirkətlərlə kəllə-kəlləyə gələrsən. Tamah hamıda var. Eyni zamanda rəqabət də… İri şirkətləri idarə edənlər ağıllı adamlardır. Onlar kiminləsə prinsipə düşüb iş həll etmirlər. Bu prosesə tam fərqli və məntiqi davranırlar. Rəqabətin olmamağı, konturmarketinq addımı atmaq da tam fərqli amillərdir.
Sahibkarı narahat edən məqam isə bazarın kiçik olmasıdır. Bazar böyük olsa, onlar da bazardan daha çox qazanmış olurlar. Eyni zamanda, bu prosesdə kadr tapmaq və yüksək faizli kreditlər əsas amillərdən hesab olunur. Bu da böyük bir problemdir.
- Bu və digər problemlərin çıxış yolunu nədə görürsünüz?
- Burda qarşılıqlı işlər olmalıdır. Dövlət qurumlarının son zamanlar dəstək olması çox xoşdur. Artıq əvvəlki dövr deyil. Bu günləri peşəkar olub daha yaxşı biznes yaratmaq lazımdır. Həmin halda işləri daha rahat başa gələcək.
Fuad Mədətov
Fins.az