Cari ilin birinci yarısında malın mənşə ölkəsinin təyin edilməsi məqsədilə Antiinhisar və İstehlak Bazarına Nəzarət Dövlət Xidmətinin tabeliyində İstehlak Mallarının Ekspertizası Mərkəzinə 894 sahibkarlıq subyekti müraciət edib.

Dövlət Xidmətindən  Fins.az-a bildirilib ki, ötən ilin müvafiq dövrü ilə müqayisədə cari ildə bu göstərici 4,4 faiz artıb. Bunlardan 101-ni fiziki şəxs, 793-nü isə hüquqi şəxslər təşkil edib. Ötən ilin müvafiq dövründə malın mənşə ölkəsinin təyin edilməsi məqsədilə müraciət edən sahibkarlıq subyektlərinin sayı 857 olub.