"Fitch Ratings" beynəlxalq reytinqi agentliyi ABŞ-ın xarici valyutada uzunmüddətli emitent reytinqini "AAA" səviyyəsinə (mənfi) endirib.

Fins.az xəbər verir ki, bu barədə reytinq agentliyindən bildirilib.

"Fitch" qeyd edib ki, borc limitinin artırılması siyasəti ABŞ-ın kredit qabiliyyətinə mənfi təsir göstərən risklərə işarə edir. Büdcə kəsirinin və borc yükünün artması fiskal çətinliklər yarada bilər.

"ABŞ yanvarın 19-da 31,4 trilyon dollarlıq borc həddinə çatıb və ABŞ Maliyyə Nazirliyi limiti keçməmək üçün fövqəladə tədbirlər görməyə başlayıb. Xəzinədarlıq Departamenti xəbərdarlıq etmişdi ki, bu cür fövqəladə tədbirlər iyunun 1-də tükənə bilər. Tarixin yaxınlaşmasına baxmayaraq, Ağ Evlə Respublikaçılar arasında büdcə limitinin artırılması ilə bağlı danışıqlarda hələlik razılıq əldə olunmayıb"- Agentlik əlavə edib.