2023-cü ilin yanvar-mart aylarında Azərbaycanda əsas kapitala 3 523,1 milyon manat və yaxud 2022-ci ilin yanvar-mart ayları ilə müqayisədə 40,3% çox vəsait yönəldilib.

Fins.az Dövlət Statistika Komitəsinə istinadən xəbər verir ki, son 1 ildə neft-qaz sektoruna investisiyalar 23,8 %, qeyri neft-qaz sektoruna investisiyalar isə 51,7 % artıb.

Hesabat dövründə istifadə olunmuş vəsaitin 1 941,3 milyon manatı və yaxud 55,1 %-i məhsul istehsalı sahələrinə, 1 396,5 milyon manatı və yaxud 39,6 %-i xidmət sahələrinə, 185,3 milyon manatı və yaxud 5,3 %-i isə yaşayış evlərinin tikintisinə sərf olunub.

Cari ilin ilk 3 ayı ərzində əsas kapitala yönəldilmiş vəsaitlərin 2 577,3 milyon manatını və yaxud 73,2 %-ni daxili vəsaitlər təşkil edib, 2 517,5 milyon manatı və yaxud 71,5 %-i bilavasitə tikinti-quraşdırma işlərinin yerinə yetirilməsinə sərf olunub.

Bu dövrdə əsas kapitala yönəldilmiş vəsaitin ümumi dəyərində müəssisə və təşkilatların öz vəsaitləri 45,8 %, büdcə vəsaitləri 39 %, əhalinin şəxsi vəsaitləri 6,4 %, bank kreditləri 4,1 %, sair vəsaitlər isə 4,7% paya malik olub.