“Yeni il gəlir, 2021-ci ildə olan pozitiv dinamika davam edir. İstehsal artmaqdadır, yaxşı göstəricilərimiz var. Amma inflyasiya proqnozları özünü doğrultmadı”.

Bunu Milli Məclisin bu gün keçirilən iclasında parlamentin İqtisadi siyasət, sənaye və sahibkarlıq komitəsinin sədr müavini Əli Məsimli deyib.

Deputat bildirib ki, inflyasiya 4%, sonra isə 12,5 % proqnozlaşdırılsa da, 11 ayın göstəricilərinə görə 123,8 %, ərzaq inflyasiyası isə 20 %-in üstündədir: “Əhalinin güzəranına inflyasiya çox mənfi təsir göstərir. Qarşıdan yeni il gəlir, ən çox inflyasiya ərzaq inflyasiyasıdır. Bütün dünyada ərzaq qiymətləri bu ərəfədə aşağı salınır. Çağırış edirəm ki, insanlar qiymət artımından yox, dövriyyədən qazanmağa üstünlük versinlər. Bütün hamı süfrə aça bilsin”.