“YAŞAT” Fondu təşəkkürü simvolizə edən sertifikat təqdim edir

"Fins.az" xəbər verir ki, bu barədə “YAŞAT” Fondu məlumat yayımlayıb.

Məlumata görə, onlayn ianələr zamanı “YAŞAT” Fondu tərəfindən təşəkkürü simvolizə edən sertifikat təqdim olunur. Bu sertifikatı onlayn qaydada əldə edə, həm də yaxınlarınıza hədiyyə edə bilərsiniz.

Edilən ianələr şəhidlərimizin ailə üzvlərinin və müharibə əlillərinin həyat şəraitinin yaxşılaşdırılması üçün sərf edilir.

Vətəndaşlar istədiyi şəxsin adından ianə etməklə həmin sertifikatı hədiyyə də edə bilərlər.