Dövlət Gömrük Komitəsi xarici ticarət iştirakçıları və gömrük təmsilçiləri üçün onlayn sorğu keçirib.

Komitənin yaydığı məlumata görə, xarici ticarət iştirakçılarına və gömrük təmsilçilərinə təqdim edilən sorğu gömrük xidmətlərindən məmnunluq, o cümlədən elektron xidmətdən istifadə, gömrük orqanlarında islahatlar, şəffaflıq, gömrük qanunvericiliyi və s. mövzuları əhatə edib, eyni zamanda gömrük orqanları tərəfindən göstərilən xidmətlərin daha da inkişaf etdirilməsi üçün müvafiq təkliflərin verilməsi şəraitini yaradıb.

Hər iki sorğunun nəticələri və verilən təkliflər dəyərləndirilib.

Gələcəkdə bu kimi sorğuların mütəmadi keçirilməsi nəzərdə tutulub.

Dövlət Gömrük Komitəsi belə sorğuların keçirilməsi zamanı xarici ticarət iştirakçılarının aktiv iştirakını xahiş edir.