Azərbaycan və RF prezidentləri İlham Əliyev ilə Vladimir Putin arasında telefon danışığı baş tutub. Bu barədə bazar ertəsi Kremlin mətbuat xidməti məlumat verib.

«Rusiya, Azərbaycan və Ermənistan liderlərinin 9 noyabr 2020-ci il, 11 yanvar və 26 noyabr 2021-ci il və 31 oktyabr tarixli razılaşmalarının həyata keçirilməsinin bəzi praktik aspektləri, o cümlədən Cənubi Qafqazda iqtisadi və logistika əlaqələrinin bərpası planları müzakirə edilib», - məlumatda bildirilir.

Mətbuat xidmətindən əlavə olunub ki, gələcək təmaslara dair razılıq əldə olunub.