Nəqliyyat layihələrinin həyata keçirilməsi 2026-cı ilə qədər olan inkişaf strategiyasının prioritet istiqamətlərindən biridir.

Bu barədə “Bakı Limanının Yaşıl Liman Konsepsiyasının həyata keçirilməsinə və əməliyyat imkanlarının gücləndirilməsinə dəstək” layihəsinin açılış mərasimində iqtisadiyyat nazirinin müavini Sahib Məmmədov bildirib.

Onun sözlərinə görə, Avropa İttifaqı Azərbaycanın demək olar ki, bütün sektorlarda reallaşdırılan layihələrini dəstəkləyir.

Nazir müavini onu da əlavə edib ki, “Bakı Limanının Yaşıl Liman Konsepsiyasının həyata keçirilməsinə və əməliyyat imkanlarının gücləndirilməsinə dəstək” layihəsi ölkədə "yaşıl layihələrin" inkişafına əlavə stimul verir.

Sahib Məmmədov vurğulayıb ki, "Yaşıl liman" konsepsiyası Bakı Limanının gələcək inkişafına şərait yaradır.