“Azərbaycan Dəmir Yolları” QSC-nin şirkəti olan “ADY Konteyner” MMC-də Asiya İnkişaf Bankının Mərkəzi Asiya Regional İqtisadi Əməkdaşlıq (CAREC) Proqramı çərçivəsində qəbul edilmiş “CAREC Nəqliyyat Strategiyası 2030” sənədinin səmərəli icrası məqsədi ilə ölkəmizə səfər edən beynəlxalq ekspert qrupu ilə görüş keçirilib.
“ADY Konteyner”dən “Fins.az”a verilən məlumata görə, qonaqlar Orta dəhlizlə konteynerlərlə yükdaşımaların həcmi, dəhlizin imkanlarının artırılması istiqamətində atılan addımlarla maraqlanıblar.
Məlumata görə, görüşdə Transxəzər Beynəlxalq Nəqliyyat Marşrutu ilə həyata keçirilən daşımaların həcminin daha da artırılması, regionun tranzit potensialı ilə bağlı fikir mübadiləsi aparılıb.