Azərbaycanın Belarusdakı səfiri Ülvi Baxşəliyev Belarusun rabitə və informasiyalaşdırma naziri Konstantin Şulqanla görüşüb. Bu barədə nazirliyin mətbuat xidmətindən məlumat verilib.

"Fins.az" xəbər verir ki. görüş zamanı tərəflər rabitə və informasiya-kommunikasiya texnologiyaları sahəsində qarşılıqlı faydalı əməkdaşlığın inkişaf perspektivlərini müzakirə ediblər.

“Tərəflər rabitə və informasiyalaşdırma sahəsində Belarus-Azərbaycan əməkdaşlığının müsbət nəticələrini, konstruktiv qarşılıqlı fəaliyyətin, o cümlədən də müxtəlif beynəlxalq tədbirlərdə qarşılıqlı iştirak çərçivəsində əlaqələrin genişləndirilməsi məsələlərini qeyd ediblər”, - deyə məlumatda qeyd olunur.

Baxşəliyev və Şulqan rabitə və informasiyalaşdırma sahəsində əməkdaşlığın inkişafı ilə bağlı gələcək addımları müəyyən ediblər