Binə və Sədərək ticarət mərkəzlərində xüsusi vergi rejimi mövcud deyil və pərakəndə ticarət qaydasına uyğun olaraq əldə olunan gəlirlər vergiyə cəlb olunmalıdır. Fins.az-ın məlumatına görə bunu 2019-cu ilin sosial-iqtisadi inkişafının yekunlarına həsr olunan konfransda çıxış edərkən Vergilər nazirinin müavini İlkin Vəliyev deyib. Onun sözlərinə görə, nəzarət kassa aparatlarının quraşdırılması prosesi mərhələli şəkildə davam etdiriləcək və 2021-cinildə tam olaraq bütün ticarət şəbəkələrində nəzarət kassa aparatlarının quraşdırılması tam başa çatacaq. "Bu işlər Nazirlər Kabinetinin qərarı əsasında qrafik şəkildə təstiq olunub və təxminən 4 mərhələdən ibarətdir. Artıq 1 və 2-ci mərhələlər 2019-cu ildə başa çatıb, 3-cü mərhələ 2020-ci ildə və 2021-cinildə tam olaraq bütün ticarət şəbəkələrini əhatə edəcək",- deyə İ. Vəliyev qeyd edib.