Bakı Fond Birjası (BFB) 2026-cı ilin yanvar ayı üzrə Azərbaycanda fəaliyyət göstərən investisiya şirkətlərinin ticarət etdiyi bazarlar üzrə əməliyyat dövriyyəsini açıqlayıb.
Finss.az xəbər verir ki, repo əməliyyatları bazarında “ABB İnvest İnvestisiya Şirkəti” QSC liderliyi ələ alıb – 4,33 milyard manatlıq əməliyyatla, 1 205 əməliyyat həyata keçirilib. İkinci sırada “PAŞA Kapital İnvestisiya Şirkəti” QSC – 1,87 milyard manat, üçüncü sırada isə Assist Finance İnvestisiya Şirkəti ASC – 776 milyon manatlıq əməliyyat olub.
Qiymətli kağızlar üzrə dövriyyə belə bölünüb:
- ARMB qiymətli kağızları: ən aktiv şirkətlər – Assist Finance (26,17 milyon manat), ABB İnvest (24,79 milyon manat) və PAŞA Kapital (10,99 milyon manat).
- Dövlət istiqrazları: ABB İnvest və PAŞA Kapital hər biri 400,47 milyon manatla bazarda öncülük edir.
- Korporativ istiqrazlar: PAŞA Kapital (49,92 milyon manat), Troni İnvest (297,90 min manat) və Unicapital (2,94 milyon manat) əsas paya sahibdir.
- Səhm əməliyyatları: Troni İnvest (717 min manat) və ABB İnvest (762 min manat) ən aktiv şirkətlər olub.
Cəmi əməliyyatların həcmi və sayı üzrə isə renkinq belə formalaşıb:
| № | Şirkət | Cəmi dövriyyə (AZN) | Əməliyyat sayı |
|---|---|---|---|
| 1 | ABB İnvest İnvestisiya Şirkəti QSC | 4 772 759 929 | 1 205 |
| 2 | PAŞA Kapital İnvestisiya Şirkəti QSC | 2 334 916 890 | 642 |
| 3 | Assist Finance İnvestisiya Şirkəti ASC | 802 688 374 | 149 |
| 4 | CPM-İnvest İnvestisiya Şirkəti QSC | 734 355 471 | 230 |
| 5 | Unicapital İnvestisiya Şirkəti ASC | 298 164 766 | 306 |
| 6 | İnvest-Az İnvestisiya Şirkəti QSC | 218 130 346 | 168 |
| 7 | Troni İnvestisiya Şirkəti QSC | 101 014 924 | 785 |
| 8 | İnno Kapital İnvestisiya Şirkəti ASC | 77 284 915 | 51 |
| 9 | Capital Partners İnvestisiya Şirkəti QSC | 35 440 995 | 31 |
| 10 | Xalq Kapital İnvestisiya Şirkəti QSC | 14 396 700 | 3 |
| 11 | MFX Trading İnvestisiya Şirkəti | 8 668 134 | 6 |
| 12 | CFI Financial İnvestisiya Şirkəti QSC | 2 989 376 | 5 |
| 13 | ASC Xalq Bankı | 523 645 | 5 |
Fuad Mədətov
Finss.az