Finss.az xəbər verir ki, cümə axşamı günü neft qiymətləri yüksəlib və Brent markalı xam neft ötən sentyabr ayından bəri ilk dəfə barel üçün 70 dolları keçib.

London ICE Futures birjasında mart ayı üçün Brent fyuçersləri Moskva vaxtı ilə saat 13:47-yə olan məlumata görə 1,50 dollar (2,2%) artaraq barel üçün 69,90 dollar səviyyəsinə çatıb. Əvvəlki səviyyədə Brent barel üçün 70,35 dollar olmuşdu.

Nyu-York Ticarət Birjasının (NYMEX) elektron ticarətində mart ayı üçün WTI markalı xam neftin fyuçersləri 1,47 dollar (2,33%) bahalaşaraq barel üçün 64,68 dollar-a yüksəlib.

CNN-in məlumatına görə, ABŞ prezidenti Donald Tramp Vaşinqton və Tehran arasında İranın nüvə proqramının və ballistik raket istehsalının məhdudlaşdırılması ilə bağlı ilkin müzakirələrdə irəliləyiş əldə edilmədikdən sonra İrana qarşı daha bir böyük zərbə ehtimalını qiymətləndirir. Bu geosiyasi gərginlik neft bazarında qiymətlərin yüksəlməsinə təsir göstərir.Dünya bazarında neft qiymətləri artımda