Əmtəə bazarlarında qiymət artımı davam edir. Birja göstəricilərinə görə, qızılın bir troya unsiyası (31,1 qram) üzrə fyuçerslər tarixi maksimum səviyyəni yeniləyib.

Finss.az xəbər verir ki, Nyu-Yorkun COMEX əmtəə birjasında 2026-cı ilin aprel ayı üzrə qızıl fyuçerslərinin qiyməti 1,65% yüksələrək 5 100,21 ABŞ dollarına çatıb. Bu göstərici indiyədək qeydə alınmış ən yüksək səviyyə kimi qiymətləndirilir.

Eyni zamanda, qiymətli metallar bazarında gümüş də ciddi bahalaşıb. COMEX-də 2026-cı ilin mart ayı üzrə gümüş fyuçersləri 6,17% artaraq bir unsiya üçün 107,58 ABŞ dolları səviyyəsində formalaşıb.