Finss.az xəbər verir ki, neft qiymətləri əvvəlki iki ticarət sessiyasında baş verən azalmadan sonra cümə axşamı günü yüksəliş nümayiş etdirib. Bazar ötən həftə ABŞ-ın xam neft ehtiyatlarında əhəmiyyətli dərəcədə azalma olduğunu göstərən məlumatlar, eləcə də Rusiya neftini alan ölkələrə qarşı sərt sanksiyalar tətbiq olunacağına dair gözləntilər fonunda dəstəklənib.

London ICE Futures Birjasında mart ayı üçün Brent markalı neftin fyuçersləri Moskva vaxtı ilə saat 14:20-yə olan məlumata görə 0,67 dollar (1,12%) artaraq barel üçün 60,63 dollara yüksəlib.

Eyni zamanda Nyu-York Ticarət Birjasında (NYMEX) fevral ayı üçün WTI markalı neftin fyuçersləri 0,66 dollar (1,18%) bahalaşaraq barel üçün 56,65 dollara çatıb.

Analitiklərin fikrincə, ABŞ ehtiyatlarındakı azalma və geosiyasi risklər yaxın dövrdə neft bazarında qiymətlərin dəyişkənliyini yüksək səviyyədə saxlaya bilər.